مشتاقلك
تالمْ ضحكه وإعصرا بكاس العرق
مشتاقلك
متل القصيدة تبوّسْ خدود الورق
مشتاقلك
متل الندي وغفيان ع زنود الحبق
متل السهر عادردشة عشاق ترجمها الشفق
مشتاقلك
متل الرغيف الساخن بحضن الطبق
مشتاقلك
عندك حكي وعندي حكي معلّق
......
شفتي القمر من حسرتو
سكر ع حالو العتم واتمزق
والبحر عبا ميتو بالكشتبان
ومنو لحالو راح يشكي من الغرق
مشتاقلك
لما تجي يكون الحكي أروق
ولو تحترق روما
وجدار الصين
نيرونك بيبقى صبي ومجنون
تخمّرْ بقلبو الحب وإتعتق
ليست هناك تعليقات:
إرسال تعليق